與保錡蜜運中的沙律與四眼男頭貼頭睇手機。
其間沙律更將上圍壓落對方手臂
沙律上圍驕人又唔孤寒,所以深得巴打們歡心。
沙律與四眼男站在人來人往的百德新街行人路中央搵路,毫無頭緒的她一臉徬徨。
兩人開頭企到離行離罅,四眼男一度嘗試挨近沙律,可惜見現場人來人往,沙律都好避忌。
哄埋一輪,見有途人經過眼𥄫𥄫,沙律即提高警覺企番好。
二人心急步行至皇室堡借廁所,隨後便去希慎廣場搭Lift上寫字樓,其實希慎冇廁所咩?
今年1月,沙律與ERROR成員吳保錡爆出戀情。
被男友拖累致形象受損的沙律,早前終透露今年會多拍劇及出寫真集。
沙律早前跟鄧月平(中)、郭奕芯(右)為港產片《#PTGF出租女友》進行開鏡儀式。
ERROR成員保錡(右)捲入桃色醜聞加上爆粗鬧網友事件,早前他宣佈停工力保組合形象。
抗疫肥的沙律於凌晨狂做運動成功減去17磅,回復火辣身材!
沙律日前撇甩黐身男友保錡,約與四眼男去銅鑼灣行街,其間兩人態度親暱。
Previous
Next
擁34E驕人身材的張沛樂(沙律)是不少巴打心目中的女神,前年跟拍拖3年多的林耀聲分手後,至今年1月才與ViuTV節目《全民造星》出身的ERROR成員吳保錡爆出戀情,雖然當時正印踢爆男方一腳踏兩船,但二人懶理繼續高調放閃,沙律更指停工「自雪」的男友好黐身。日前下午,《頭條日報》記者發現正忙拍新片《#PTGF出租女友》的沙律與四眼男現身銅鑼灣,唔知兩人咩關係,但見女方同男方一齊睇電話畫面時黐到好埋頭貼頭,沙律更施展「胸壓」冧功,唔知爛口保錡睇到啲相會否嬲到爆晒粗呢?採訪:梁志明