陳嘉倩參與ViuTV新節目《學神出沒注意》已播出，一如預告中所示，嘉倩BB的「P牌仔」驚人駕駛「奇」術令觀眾嘆為觀止，網民紛慶幸她「執番條命」，亦沒釀成有人受傷的意外！

嘉倩BB在周二播出的《學神》中，透露只揸過三次車出街，夾埋唔夠一個鐘，節目組安排經驗豐富的拍檔坐在身邊，「睇實」她駕車由荃灣駛去屯門、挑戰港島著名遊車河路線及戶外室內停車場泊車，過程歷盡驚險，未開始揸車，伊人就被車門夾親手指。經驗尚淺又慌張的嘉倩BB於室內停車場一時分心撞爛鐵柱，幸好人冇事。

到行多彎的山路時，嘉倩BB就揸到險告越線和迎面而來的雙層巴士相撞，幸好拍檔眼明手快幫她扭軚避過一劫！節目組其後安排教車師傅為嘉倩BB補鐘惡補駕駛技術，嘉倩BB「慢駛」搞到車後出現車龍！