有網民在facebook群組「天下貓貓一樣貓」上載照片，稱其祖母誤將貓糧用的生肉煮成飯盒，網民帶返公司才驚覺真相，無奈指「啲肉連我隻貓都唔食架」。

網民指，在公司打開飯盒後，同事問網民飯盒內的是甚麽，網民不以為然稱是「肉掛」，網民同事試食了一塊後稱有骨，網民於是無理會照樣進食，食第一塊後心想奇怪「有骨，點解會有骨」，食第二塊後心知不妙。

網民晴天霹靂，「勁腥勁想嘔」，「係貓食嘅生肉，我放咗係冰箱，之後我啊嫲見到有嘢就煮」，「個重點係啲肉連我隻貓都唔食架」。

不少網民都覺得太驚奇，「其實呀嫲係特登㗎。主子唔食，如果唔整畀你食，咪會嘥咗囉。所以唯有頂硬上哽咗佢」有人説「人唔會食，貓又唔會食，做咩仲要放雪櫃？」有人奉勸，「連你都唔食嘅嘢。就唔好再餵貓啦」。有人戥該同事可憐，「所以話呢! 同事帶嘅飯餸，唔好亂試...你永遠唔知佢食開咩暗黑料理長大。」

帖文轉載自「天下貓貓一樣貓群組」