常聽人說「3年一個gap（代溝）」，長輩與後輩之間不時都會出現這種問題。有港男指，早前與幾名「00後」下屬到酒樓飲茶，言談間他表示酒樓以前會有點心車，怎料下屬聞言後竟大笑，令他感到無奈又不解。

有男網民在「香港討論區」發文，指日前與幾名「00後」下屬到酒樓飲茶，其中一人看見有酒樓侍應以托盤捧出煎堆及春捲等小食作推銷，感到相當詫異，表示「乜家下酒樓真係好唔掂咩？要人手出嚟叫賣」。樓主聽後，猜想對方小時候已是「點心紙時代」，故不太清楚以前酒樓的情況，遂解釋道：「有人叫賣唔出奇，以前點心車都差唔多，仲要邊行邊叫」。

怎料，樓主此番言論竟引得幾個下屬放聲大笑，指「乜年代呀仲點心車，又推嚟推去，叫嘢食係唔係截的士咁截呀？」樓主聞言後表示「唔知有乜好笑」，又憶述從前侍應一推出點心車，意指「啱啱好放完新嘢（新鮮出爐的點心）」，定有許多食客衝上前拿點心或點餐，形容「行慢一步都可能冇」，不解下屬為何會發笑。

帖文引起網民討論，不少人都批評該群下屬見識少之餘，更胡亂嘲笑別人，他日也會被後輩取笑，「過多十幾年到佢哋俾另一班後生笑」、「無必要理會班傻人。佢哋嘅無知以為自己醒，最叻集合班同類人講就以為世界係咁」、「無知唔可怕，無知又不自知先可怕」。

另外亦有網民回憶從前的「點心車年代」，「點心車正呀，用點心紙，成日漏單又慢」、「點心紙好耐，要預點幾多個，點得多食唔晒，點得少加單又耐又煩」、「以前食腸粉，真係要去搶」。

資料來源：「香港討論區」