鄭中基第二場自駕演唱會於中環海濱活動空間舉行，場內爆滿，場外近300人圍觀；許廷鏗、方力申、鍾培生等到場支持。
林家謙擔任第二場嘉賓，與鄭中基先合唱一曲《我代你哭》。林家謙早前ViuTV《Chill Club推介榜年度推介20/21》橫掃6獎，成為大贏家，但一向寡言的他領獎時曾說︰「個獎自己拎㗎，咁隨便嘅。」、「我老是常出現，好煩！」引起網上熱議，更指他有機心。鄭中基乘機為林家謙抱不平，說：「聽講問你嘢，你都會講錯嘢，大家覺得係唔係㗎？唔係㗎可！其實咁多人支持你，你開唔開心？」林家謙笑笑說：「開心，真係嘅。」鄭中基接著說：「不如問吓你未來計劃啦！唔係，你唔好答，你答有呢，啲人就話你有機心，你答無呢，啲人就話你懶，所以你唔好答呢個。」全場掌聲支持。
鄭中基再問觀眾《一人之境》作曲、填詞、編曲及監製是誰？觀眾4次大喊林家謙名字。他笑說：「係囉，4個都係佢，點解唔可以多謝自己呢？我就唔明喇，如果畀著我，我會多謝自己4次。你聽我講，你千祈唔好縮，要縮就等我呢啲老野縮，你好好地做音樂就得㗎啦！」隨後，林家謙再獨唱《一人之境》。