少女時代的徐玄自從轉戰以拍劇為主後，開始行輕熟女路線，成日喺IG晒靚相都露吓膊頭，着吓小背心咁。今日她又在社交網上載新相，大玩黑白Style好有型，件衫依然係小性感，方領、公主袖之餘仲有少少低胸𠻹。徐玄又擺出韓國最近好Hit嘅半邊心心甫士冧Fans，而一班Fans亦紛紛留言大讚偶像係「鎖骨美女」，又為最近忙於拍攝Netflix電影《解禁男女》的她打氣。《解禁男女》改編自同名網絡漫畫，是19禁SM題材的愛情喜劇，好期待平時形象正氣嘅徐玄表現如何。