新片《秘密訪客》中，城城角色好高冷沉鬱，好彩靠兩個天真可愛嘅寶貝女，返到屋企情緒好快得到平衡。
郭富城最想拍喜劇，可惜近十年未有機會。
郭富城喺新片《秘密訪客》飾演沉鬱的父親。
片中有多場食飯戲，食到熱辣辣好味的餸菜。
當年拍《殺人犯》時最難抽離，搞到他經常發惡夢。
城城一家成日遊維園。
之前同老婆結伴去睇畫展。
Moka公開城城墨寶，不少網民大讚不錯。
以前城城最愛係賽車。
他又透露今年會舉行一個全新嘅演唱會。
原來去城城係娛樂專員，負責𠱁啲女開心。
郭富城話沒有偶像包袱，作為演員要多啲嘗試新嘢。
Previous Next
由何正道執導，郭富城與許瑋甯、段奕宏等演出的電影《秘密訪客》將於5月上映，戲中城城飾演沉鬱爸爸，帶出一個不尋常家庭的懸疑故事。不過，郭富城聲稱盡量不會將戲中的情緒帶回家，幸而每當見家中兩位「前世情人」大女Chantelle及細女Charlotte，情緒就可以回到正常狀態。反而是當年拍攝《殺人犯》時最難抽離，花了比較多時間沖淡，之後在宣傳期時也不時發殺人嘅夢，最終以最愛的賽車嚟分散注意力，等宣傳期過後再慢慢抽離。

 

自爆有喜感成日𠱁愛女玩

《秘密訪客》係講喺一間大宅中發生嘅故事，大隊在韓國拍了2個多月，正因為故事圍繞着一家人，故有很多場食飯戲，城城笑謂戲中的菜式都是由廚師下廚，拍戲多年都未試過食到熱辣辣好味的餸菜，就算是NG都不停食，最記得有場是食牛排，廚師慢煮了24小時。他自爆有興趣拍喜劇，可惜近十年都沒有機會：「我冇偶像包袱，做演員乜都可以試吓，而且我有喜感，喺屋企成日𠱁佢哋(啲女)開心。」