韓劇《黑道律師文森佐》即將在周末播出大結局，劇集亦已殺青，昨日男主角宋仲基在社交網上載蛋糕照片，設計好有心機，有晒《文森佐》一眾演員的卡通造型，好可愛。蛋糕上的宋仲基跟劇中一樣騎住白馬出現，Keep住靚仔形象，雖然帖子冇Caption，不過《文森佐》拍咗咁耐一定好有感情。

劇集有別一般韓劇有20集，集集高潮迭起劇迷們都大呼唔捨得，又希望電視台可以出第二季，上周日（25日）播出的《文森佐》第18集收視達13.9%，再創劇集新高，唔知結局可否延續升勢呢？