樓價高企加上公屋長年供不應求，坊間甚至衍生出獲派公屋已經是人生贏家的説法，有網民於是想知「有得揀有能力，係咪真係都會揀住公屋」。

「連登討論區」網民發文指，「以前聽好多人講，住公屋就係人生贏家，自己住個陣都冇咩感覺，因為冇可比性。但搬左出黎先知其實鄰居質素真係差好遠」

網民形容，有精神異常患者在公共屋邨成為基本情況，「唔住係你附近係你好彩」，私樓雖然並非無精神異常患者，但機會相對低好多。網民又指，私樓「唔會咩人都可以入到你幢樓」，「其實連衛生都係，係公屋幾乎日日見到𨋢入面有垃圾，走廊成日有食物漬，後樓梯一定搵到啤酒罐」

網民認為，「雖然公屋租好平，但係換嚟嘅條件都差好遠，有朋友以前都想置業，但最近拎到公屋，佢話冇哂壓力好爽，應該一世唔會搬」。於是網民想知「有得揀有能力，係咪真係都會揀住公屋」。