每逢年三十晚都會以搶眼造型到黃大仙祠上頭炷香的藝人黃夏蕙（夏蕙bb)，被封為「頭灶香Icon」，不過最新一期《東周刊》報道指夏蕙bb突然「轉會」，秘密決志信主，對此夏蕙bb激動回應稱：「邊個話我信咗基督就唔信黃大仙呀！我生喺黃大仙嘅人，死喺黃大仙嘅鬼」。

報道指，夏蕙bb日前與朋友一同返教會時，多年的痛風竟痛症全消，令她深信不疑，於是在亞洲電視前執行董事葉家寶陪同下，在影音使團舉行的幸福小組中決志歸信了主，當日更與一眾教友打成一片，一同晚餐。