施匡翹(Zaina) 日前在網上平台進行直播宣傳新歌《康復期》，她開心透露最近又再走入錄音室灌錄新歌，今次的新歌將有新突破，會是跳舞快歌，十分期待，最搞笑有粉絲見到她在社交平台，發放了在錄音室戴住耳機的照片後，大家都驚訝她推出新歌《康復期》冇耐，咁快又錄新歌？Zaina感謝唱片一直給予機會。


Zaina年多前已計劃考瑜伽牌，但遇上疫情而被迫告吹，一直拖延至今終於可以圓夢：「等咗咁耐就快可以考瑜伽牌，今次一定唔會再取消，呢排不停操練，練到肌肉好結實，唱片監製見到我，笑我身材變咗倒三角形，膊頭都橫咗，心情好緊張，好有信心可以合格。」