女網民表示，其母從小到大一直偏心於長得較漂亮的妹妹。unsplash圖片
女網民於「香港討論區」，以「細妹生得靚，阿媽剩係錫佢，話我嫁唔出無前途」為題發文指，母親一直都將較她年幼3年的妹妹作比較，雖然兩姊妹都是同一個父母所生，惟外貌卻大相逕庭。樓主坦言因外貌的緣故，母親一直偏心於較漂亮的妹妹，「由細到大我阿媽都特別錫我細妹，永遠都係佢有新玩具，細個如果我哋兩個嘈交，我阿媽就只會打同鬧我一個」，即使妹妹犯錯亦叫樓主應要忍讓。
樓主憶述，在中學時期被媽媽出言傷害至今，「阿媽當住親戚面前話我生得唔靚，一定嫁唔出，自己食自己」，「仲笑住話分分鐘以後工都無人請，之後佢就話細妹就唔洗擔心啦」。當時樓主聞言忍不住哭泣，惟母親竟反斥，「講吓都唔得，性格差，學吓細妹啦」。
如今兩姊妹已長大成人，樓主開始工作後，學識打扮，現在與男朋友交往數年，感情穩定，亦打算結婚；相反妹妹因「公主病」的性格，情路一直不順，反倒開始妒忌樓主，甚至「試過偷偷WhatsApp我男朋友，話我性格有問題，叫佢諗清楚同唔同我一齊」。
樓主有感而發指，「究竟一個人外表生成點係咪真係最重要 ？」，希望妹妹與母親可明白內在美更勝外在美，不要以貌取人。
帖文引起網民熱論，有網民安慰樓主，勸她不應過於介懷，「不要一直活喺過去嘅陰霾之中，放下先能過得更好」，亦有人指樓主的母親為反面教材，將妹妹縱成「公主病」，「你阿媽絕對係反面教材，好多上一代都唔識點教小朋友，你妹妹就係被縱壞咗 」，「你個妹性格有問題、大部分原因係你媽唔識教女」。
資料來源：香港討論區
