父母教育子女應一視同仁，不應偏心其中一個。有網民分享，某日在巴士上看到兩名小兄弟打架，期間弟弟摑了哥哥幾巴，哥哥回踢一腳，竟立即被母親大聲喝止，指責其「唔讓細佬」，令他感到相當委屈！

有網民向社交媒體Facebook專頁「生仔要考牌系列」投稿，指某日與姐姐一起乘坐巴士，看到一名母親帶著兩名小兄弟，二人在車後打架。期間，弟弟摑了哥哥幾巴，哥哥踢對方一腳反擊後，就立即被母親大聲喝停哥哥：「你係哥哥，唔可以讓下細佬嘅咩？」，但並無罵弟弟。哥哥聞言後則一言不發，樓主形容其表情「委屈到好想喊，又唔敢喊嘅樣」。

樓主指，哥哥之後見巴士停下，便「嬲爆爆」地自行下車，而該名母親就向他表示「未到站呀，你做咩呀？企喺度呀」，然後下車追上哥哥。事後樓主的姐姐感嘆「個哥哥好慘，阿媽太偏心」，樓主亦不禁表示「原來呢個世界唔只重男輕女，就算係同一個性別都會發生」。

不少網民看完帖文後，紛紛批評該名母親的行為過分，「最憎聽到人話大讓細，講道理㗎嘛，可以教大嘅體諒，細嘅尊重，而唔係大嘅一定要硬食，細嘅可以打橫行 」、「好得意㗎，即使只係大一兩年，細嗰個就係孩子，大嗰個就唔係孩子」、「第日兄弟不和唔好問點解」。

另外亦有網民分享，作為父母不應偏心較小的孩子，而要令較年長的孩子都感受到關愛，「其實小朋友多咗個細佬妹會好敏感，佢哋特別留意父母行為，所以父母更加要令大嗰個知道父母都係好錫佢」。

資料來源：「生仔要考牌系列」FB