花姐最想向姜濤、Anson Lo和Anson Kong講對唔住。
花姐認為MIRROR最可愛的地方就是那份單純努力的初心。
我對姜濤同埋Anson Lo（盧瀚霆）特別嚴格，因為佢哋好容易玩『創』個心。
花姐一直好自責，未能幫AK奪得叱咤新人獎，令他好失望。
花姐對MIRROR和ERROR各有期望。
花姐手上戴了三條水晶鍊，只為求安心。
Edan被塔羅師批2021年行運。
保錡（吳保錡）＠ERROR 花姐說：「我希望有一日我可以將你嘅音樂帶畀更多人聽。」
193（郭嘉駿）＠ERROR 花姐說：「近排見到你ig post你學唱歌，我都好安慰，肯努力。」
Lokman（楊樂文）＠MIRROR 花姐說：「Lokman加油！我哋好快畀人睇到你嘅演技。」
Anson Kong（江𤒹生）＠MIRROR 花姐說：「如果你再發脾氣黑面就五嚿水，今次冇得講價！」
肥仔（梁業）＠ERROR 花姐說：「ERROR好多謝你，全靠你管住佢哋幾個人先可以咁受歡迎。」
Edan（呂爵安）＠MIRROR 花姐說：「你隻MV過咗兩million，你都未請食飯，快啲呀！」
Anson Lo（盧瀚霆）＠MIRROR 花姐說：「我同佢講啲嘢好肉麻，搞唔掂，Love you！」
Frankie（陳瑞輝）＠MIRROR 花姐說：「你要再主動啲，我知道你可以做到好多嘢。」
Tiger（邱傲然）＠MIRROR 花姐說：「我愛你！」
Jeremy（李駿傑）＠MIRROR 花姐說：「當適合時候機會就會畀你，所以唔使咁心急。」
Stanley（邱士縉）＠MIRROR 花姐說：「魯生、金生同我都睇到你喺戲劇方面好努力，你未來日子會有好多機會。」
阿Jer（柳應廷）＠MIRROR 花姐說：「你近排喺我心入面排咗第一位，唔好講畀人聽。」
阿Dee（何啟華）＠ERROR 花姐說：「阿Dee喺演戲應該要更多機會，我冇幫佢搵到好多機會，要講對唔住。」
姜濤＠MIRROR 花姐說：「姜濤你唔可以再唔聽話，你唔可以再同我嗌交，OK！」
Alton（王智德）＠MIRROR 花姐說：「我相信你喺綜藝嗰度，你會有好好嘅成績。」
Ian（陳卓賢）＠MIRROR 花姐說：「大個仔啦，生性啦，對女朋友好啲呀！」
Previous Next
花姐（黃慧君）同《頭條》講湊MIRROR和ERROR苦與樂去到最終回，花姐大爆湊一班囝囝遇到最大困難外，提到要同姜濤、AL（盧瀚霆）同AK（江𤒹生）講對唔住時，更忍唔住講到眼濕濕。另外，花姐又提到對MIRROR和ERROR未來期望；又爆帶過幾個囝囝去睇塔羅師預測未來；仲有花姐跟16個囝囝想話的心底話，真係有好多感動位㗎！撰文：杜淑霞 攝影：譚壹致

花姐覺得做經理人以來，面對最大困難？

花姐說：「每個artist都有迷茫期，MIRROR迷茫期特別頻密，可能得到嘅嘢好易，好快大家好鍾意佢哋，好快成績好好，會令佢哋突然間迷失，佢哋又未去到囂張，但係好自我，係令到我好困擾，當我同啲同事一發現，就會掹返佢哋返嚟話畀佢哋聽，從頭分析件事，佢哋就會返番初心度再努力，呢件事不停困擾緊我，因不同成員都會發生，但冇話佢哋唔啱，呢樣好嘢正常。（怕外界影響咗佢個判斷？）係，暫時係冇發生過，好驚某啲嘢影響到某啲成員或者成隊MIRROR變成咁，MIRROR嘅可愛係最初嘅努力，變成咁佢哋已經冇價值。好彩佢哋16個係班好善良嘅人，嗌完交後會體諒大家，佢哋亦好願意重新了解呢件事，令我哋繼續行落去。」