張子丰執導，敖嘉年演出的微電影《有拖冇欠》，早前參與《第8屆微電影創+作》連奪3獎，分別取得「最佳微電影編劇」金獎、「最佳微電影製作」金獎和「最佳微電影男主角」，兩人昨晚舉行祝捷會，由籌備到拍攝花咗幾個月，由他們一手一腳製作，有咁嘅成績梗係開心啦！子丰表示，《有拖冇欠》兩個結局，悲傷版本還未拍攝，如果有投資者，可以加長變成電影版，男主角繼續係敖嘉年。

 

子丰又話宣布賽果當日好緊張，公司同事聚埋一齊睇直播，他寧願與朋友到公司樓下食飯打發時間，直至收到恭喜短訊先返公司見同事。敖嘉年都有同感，他笑說：「好耐冇試過咁緊張，以前角逐『飛躍進步男藝員』同『最佳男配角』就有呢個感受。」