莫文蔚（Karen）的《絕色》世界巡迴演唱會最後一站定於香港，順延後終於在下月11至12日舉行，是她相隔16年再開紅館騷。Karen日前作客《StarTalk》，表示是最後一次做大型演唱會：「今次係最後一次，我一啟動巡唱已經有呢個諗法。好快下咗決定，唔會再猶豫，因為我覺得做每樣嘢都應該有始有終，俐落啲！更何況我做咗呢類型嘅巡唱十幾年，已經好圓滿！」過去Karen出國語碟比廣東碟多，她坦言：「以往唔太執着用咩語言去唱，隔咗咁多年，反而愈嚟愈鐘意唱廣東歌。」