「泰國通」胡慧冲主持嘅《疫後冲遊》加重料，冬蔭妹將繼續晒身材。
胡慧冲同冬蔭妹齊拍嘅《疫後冲遊》現已於J2台播出。
冬蔭妹喺布吉島負責介紹酒店，仲喺池邊大晒32C、26、36身材。
今次節目要求好高，就算冬蔭妹嘅泳衣都盡量件件新款，要畀大家有新鮮感。
泰國疫情第二波過後，大家都出外搵食，小販割價求存吸客，街邊打邊爐不設時限，任食都係一百多銖(45港幣)一位！
曼谷新開飛機咖啡店，乘客可以租用機師及空中小姐制服影相。
最後一集嘅最後一個環節中，胡慧冲及冬蔭妹變身成60年代蝙蝠俠及神奇女俠。
喺猛烈太陽下出外景，Roger拍到大汗淋漓，仲曬燶雙腳，痛足10日。
胡慧冲為做節目係咁病，三次出入醫院。
自從拍完比較嚴肅嘅節目《你還好嗎？》後，胡慧冲患咗「對白NG症」，尤其同冬蔭妹一人一句講廣東話，NG咗接近100次。
