何廣沛參演的TVB節目《好聲好戲》昨晚播出第5集，他邀請了好友方紹聰（奶仔）合作，一起聲演《巾幗梟雄雄之義海豪情》中黎耀祥（劉醒）與麥長青（非凡哥）吵大鑊一幕，之前已獲黎耀祥親自提點廣沛如可做好「劉醒」這角色，再在奶仔的配合下，獲大會評判及專業評判全部共6盞綠燈；汪明荃（阿姐）大讚奶仔配合得好，廣沛則仍需練習提高和強化聲音。曾說廣沛配得「好渣」的的劉江，被問到今次廣沛渣不渣？他讚：「好好」！令廣沛非常開心。
奶仔亦在社交網貼上與廣沛合照，留言：「有一日見到廣沛，佢話參加《好聲好戲》呢個配音比賽，面對着劉江老師、汪阿姐、同埋一眾著名配音老師，每一次上台都好大壓力，然後我笑笑口同佢講：唔使驚啦，呢啲跟前輩學嘢嘅機會好難得，你要珍惜哦。然後，佢見我講得咁口響，就捉埋我上去同佢一齊面對挑戰，我想講嘅係，原來....配音真係好唔簡單，係一樣充滿技巧、內在的藝術，而且上到台配音，只有一次機會，幾十對眼望住你，真係會頭麻、腳震嘅。好在我有呢位兄弟—何廣沛陪住我，一齊通宵練習，一齊驚，一齊接受挑戰，最後我哋兩個先完成到呢個作品，希望大家睇得開心。多謝何廣沛俾（畀）呢個機會我，登上《好聲好戲》台板學嘢，獲益良多。」