囝囝獻吻兼送禮物𠱁到雪雪開心大笑，但記者郤驚人發現，雪雪屋企真係幾亂吓。
雪雪彎身戴上兒子自製頸鍊。
睇吓媽咪個樣幾享受。
仲有埋手鍊，襯晒一套。
最後獻吻。
阿仔送畀雪雪嘅母親節賀卡。
好花心思寫呢幾隻字㗎！
當然代爸爸送埋花束。
Riley真係大得好快呀！
片中Riley送上DIY手飾畀媽咪，送完頸鍊到手鍊，真係驚喜不絕，襯足一套㗎！而旁邊爸爸羅天彥不停講英文提點Riley向媽媽送吻及要講乜嘢說話，最後兒子當然做足，親吻後並對媽媽說聲：「母親節快樂。」
兒子除了DIY禮物外，Riley更親手畫了一張母親節賀卡，卡上畫咗個心型，仲放咗五顏六色嘅顏色紙嚟做點綴，勞作算合格，惟一其中有張粉藍色彩紙貼咗出界，而寫住「MOM LOVE YOU」嘅都好盡力，仲有埋畫功𠻹！難怪孫慧雪開心表示，「開心過收鑽石，多謝Riely。」
