Anson Lo好孝順父母，被讚係乖仔。
兩母子攬到實一實。
合照時姜B同Ian好鬼馬。
同行仲有家人。
盧瀚霆與呂爵安喺劇集《大叔的愛》有HeHe情。
Anson Lo同媽咪喺後台擁抱，「教母」再同隊友合照。
Previous Next
MIRROR成員Anson Lo(盧瀚霆)喺母親節晚邀請咗父母嚟捧場睇騷，囝囝咁叻開到演唱會，「教母」感動得跟「教主」相擁，兩母子肉緊地攬到實一實，在旁嘅MIRROR成員見證住情深擁抱一刻，相當感動。之後「教父」、「教母」並安排與MIRROR合照，姜B同Ian從後做出鬼馬表情贈興。

「教主」喺IG出post寫上：「教父教母駕到，今年母親節過得不一樣，其實每一次上台都會諗起我由細到大你哋一直教我：『一係就唔做，一做就盡力做』，希望你哋會為我感到驕傲。」最搞笑Edan(呂爵安)留言「教庭降臨」，即被鏡粉取笑，「你都係教庭一份子。」還追問他：「你斟咗茶外父外母未㗎？」又再問：「親家老爺、親家奶奶去咗邊？」唔少鏡粉大讚「教主」好乖仔，祝教母母親節快樂。