MIRROR晚上舉行第5場演唱會，吸引歐錦棠和太太萬斯敏、《全民造星II》的羅卓華（Will）捧場。歐錦棠透露專誠來捧「徒弟」Anson Kong場，皆因二人曾合作劇集《打天下》，而MIRROR 12子亦絕對值得支持。他直言最期待騷肌環節，「AK之前send過肌肉相畀我睇，有6嚿肌肉，我就6合1，哈哈！其實AK兩個幾月前曾經想搵我操肌，但因為他要入camp而告吹，希望之後再合作拍劇啦！」萬斯敏同樣期待睇小鮮肉，更因而推卻舞台劇綵排，歐錦棠笑說：「太太成世人未見過隔離嗰個有六嚿（腹肌），哈哈！」