屯門公路（屯公）的塞車情況非常嚴重，住在大西北的打工仔，分分鐘坐巴士的時間比坐在家中的梳化更多。近日一名網民表示，見到有巴士的座椅出售，售價一張為970元，引起一眾網民熱議。

該名網民於Facebook群組「屯門公路塞車關注組」上出帖，指自己見到屯門一個商場售賣九巴的座椅，有分單人座及雙人座，價錢分別是970及2400元。

網民表示，「見到唔知開心好定喊好，買的話，擺係屋企，日日對住呢張凳，有種想喊的感覺。我完全唔識欣賞呢張九巴櫈。係邊個的主意，要整啲咁的嘢賣。」

網民更無奈地表示，店舖一定「想挖苦一眾受屯公之苦的屯門牛牛們。」

帖子引起網民熱議，「日日坐唔夠咩，坐佢既時間，還多過自己屋企張梳化」、「平時返工放工坐唔夠？」、「我平時幾蚊就坐到，而家要我比2400去坐？傻的嗎？」

亦有不少人乘機批評這款巴士座椅的設計「呢張根本唔想乘客瞓教」、「呢張櫈坐得好辛苦」「紅巴頭枕設計真係唔掂」、「都唔知邊個設計嘅，坐親都勁辛苦勁想嘔」。