舞台劇《囍雙飛》日前在香港藝術中心壽臣劇院正式上演，是自疫情關閉後場地重開的首個大型演出，演員白只、朱栢康、阿卵（楊偉倫）等人表現興奮，開場前齊集台前感激觀眾買票支持。
戲中白只與太太對罵一場成為焦點，白只愈演愈投入，令觀眾屏息靜氣欣賞他的發揮。白只笑言該場口令他血壓急升，演出時不敢太激動：「都有Check住血壓，要準時食藥囉，我都唔係按醫生指示食，為咗一場好戲冇辦法啦！家人就一定嚟支持我哋，由細睇到我哋大嘛，但係女友就要問佢咩時間囉，因為每次出街都要問吓佢有冇時間，唔可以假設約佢就可以即刻到嘛。」當被問到是否靠戲中學習夫妻之道時，白只不懂應對靠兄弟拉開話題解困。