新冠肺炎疫情持續超過一年，又迎來炎熱的夏天。不少人都不想在酷熱天氣下外出用膳，都選擇叫外賣，但對不少外賣員來說，捱熱及捱辛苦實在是避無可避。不過有網民就分享，一間位於九龍灣某商場的一家餐廳，竟免費派發飲品給一眾外賣員，實在非常窩心！

有網民日前在社交媒體Facebook群組「(香港)送餐/送貨員意見交流區」分享，指九龍灣某商場有餐廳，在門口放置了一個冰箱，裡面放滿樽裝水及橙汁等飲品，箱蓋上更貼了一張紙條，上面寫有「外賣哥哥/姐姐可自行拎水飲！辛苦晒你哋！」的字眼。樓主不禁表示：「有啲餐廳對待啲外賣仔幾好，知道天氣熱驚我哋中暑，放啲飲品叫我哋自己隨便攞嚟！」

不少網民看完帖文後，都紛紛大讚該家餐廳好窩心，「飲嘢事少，多少能拾回一點外賣仔尊嚴事大」、「派水其次，餐廳會理解/體諒我哋（外賣員）先係最窩心」、「真是好心人，難得呀」。不過亦有網民認為，餐廳這種做法可能被「行不通」，「好快玩爛，實有啲XX成箱拎走」、「啲嘢香港邊行得通，好快佢就俾人拎到驚」。

資料來源：「(香港)送餐/送貨員意見交流區」FB