新居裝修擺設，最重要是屋主住得舒服，但若果家長介入其中，或會衍生更多問題。近日一名女網民在討論區吐苦水，說媽媽指她新買入的單位「風水不好」，擅自為單位加裝神枱、掛八卦、黃符等宗教物品，反而令她住得更不舒服。

該女網民在「香港討論區」發文，提到自己最近搬入大埔富盈門某低層單位，直至單位完成裝修，事主叫家人到訪新居吃飯，媽媽走到窗邊一看即大罵新居「風水不好」，稱該處是「三煞位」：「下面就係橋，林村河同馬路交界，又多車多船，比啲嘢『叉』住晒，多車多人多船會俾外帶走晒啲錢財同運氣。」

隨後，事主媽媽就着她將單位鎖匙給她，再請人上門處理。本身沒有宗教信仰，不會刻意看風水的事主，在不想拒絕媽媽一番心意下，交出鎖匙讓媽媽處理。豈料事後她發現新居的窗邊位置被安裝了一座神枱，她向媽媽表達對方卻不以為然「佢話『啱架啦細細地唔阻地方！』仲叫我早晚上香……」

除了神位以外，事主指家中角落都被掛上八卦鏡、貼上黃符等，反而令她感覺更不自在「原本都好地地，她整完之後我反而更加唔舒服。」

她對如何處理這些東西大為煩惱，遂向網民求教。「係唔係就咁放去垃圾房就得？」「我又唔知佢裝了多少東西，有冇乜方法可以搵晒佢哋出嚟？」

不少網民看過事主的訴苦，都認為風水的重點在於屋主能否住得舒適，否則應考慮將這些新擺設移走：「風水都係為舒服，唔舒服咪拆走佢」「自己覺得心安和舒服最緊要！」「如果整咗啲野響度篤眼篤鼻，變得唔舒服其實係破壞風水。

當中亦有不少人認為，事主縱有不滿，都應該與媽媽直接討論，不要為此影響母女關係「唔鍾意一定要同媽媽講，唔係媽媽會以為你有乜不滿 」「直接同你媽媽講，間屋係你住唔係你媽媽。」

同時，亦有網民提醒事主，此類風水擺設若有不當，或會招致更多問題，提醒要小心處理：「我都好信風水，但用神檯或祖先嚟擋煞我都係第一次聽。」 「這些迷信事物，我睇見都驚，本來無事，卻不知道招來甚麼東西。」

資料來源：香港討論區