一名22歲港女早前表示，意外懷孕一個月，打算延學一年，待孩子出生後再繼續上學，卻遭到男友極力反對，被質問「返學同大肚有咩關係？」，令她不知如何是好！

該名港女在網上討論區「Dcard」上，以「男朋友想我大住個肚返學」為題發文，表示早前發現自己意外懷孕，雙方父母得知後均同意她生下孩子，她本人亦有此意。不過當她表示計畫延學一年時，待孩子出生後再完成餘下一年的課程時，26歲的男友卻對此表示不解，更反問「返學同大肚有咩關係」，令她感到不知所措，「未同屋企人討論Defer（延學），但男朋友已經咁反對，唔知兩邊嘅屋企人會點諗，大家有冇經歷可以提供下？」

帖文引起網民熱議，不少人都認為樓主男友未有體諒，言論亦顯得他不負責任，推斷他不會是個好丈夫及好爸爸，「你男朋友都好唔體諒你啫，遲下f2f（face-to-face，面授課堂）返到學校啲人見到你大住肚，實有人會背後講呢樣嗰樣，加上生b前後都要好好照顧孕婦各方面，而且以條仔個態度，感覺生完仔態度會更加差」、「第一次懷孕有咩妊娠反應都唔知，讀書溫書做功課咁忙有時仲要捱夜，咁對孕婦好咩，虧佢講得出口㗎喎」、「老實講我會懷疑你男朋友會唔會係一個好男朋友同好爸爸，想自己嘅女朋友大住肚去辛苦咁上堂，唔體諒女朋友嘅辛苦」。

另有有網民擔心，樓主及其男友均未準備好為人父母，亦有可能沒有能力照顧小孩，勸他們反思是否真的要生下孩子，「有無諗清楚先決定要生？唔好因為唔小心有咗就要生，要睇下自己個環境情況合唔合適」、「無能力真係唔好養…BB唔係寵物，養育方法唔同，壽命長短唔一樣」、「有時唔係生咗就等如負責任，如果未ready做父母又冇經濟能力，生咗只會成為你哋嘅壓力」。

資料來源：「Dcard」