有一種凍，叫嫲嫲覺得你凍。家中長輩不時都會擔心小朋友冷親，並會叫他們「著多件衫」，不過溫馨窩心的舉動，卻為一名港媽帶來困擾！

有港媽昨日在社交媒體Facebook群組「巴打絲打「13親子育兒」Facebook Club」發文，指近日天氣炎熱，小朋友都「熱到出汗」，但奶奶卻指小朋友是出冷汗，要求孩子著衫，令她感到相當無奈，「溝通唔到，點算？」

帖文惹笑一眾網民，紛紛留言指「有一種汗，叫奶奶覺得佢出冷汗」、「奶奶嘅體感就如去咗平行時空，永遠無人明白」，亦有網民提醒，在炎熱天氣下著太多衫，反而更容易生病，「著太多衫會焗親，正確方法是要抹汗，換衫」、「咁熱著太多衫，小心中暑」。

根據衛生署家庭健康服務資料，若穿著過量衣物，孩子體溫過高，會引致熱痱；應該穿著適量衣物，保持皮膚乾爽涼快，減少流汗。另外，當出現大量出汗、頭暈、心跳過快等症狀時，有可能是中暑的先兆，應立即到陰涼處休息，除去身上多餘衣物，以便散熱發保持呼吸暢順，同時飲水或運動飲料補足流失水分與電解質，若約10至15分鐘後情況無明顯改善，應立即送院。

資料來源：「巴打絲打「13親子育兒」Facebook Club」