溫碧霞(Irene)和胡曦文（原名胡敏珊Christy）今日出席「護瞳行動」發佈會，身穿低胸裝嘅溫碧霞透露，原本要在內地拍新戲，但因為有日本演員因疫情關係未能起行，故要延後拍攝，她就趁機回港工作並準備稍後開拍的新戲《我們的18歲》，經常往來中港工作的至今她已隔離了3次，對於隔離生活早已習慣，笑言一個人生活嘅日子過得好充實，既可睇劇本又可做運動keep fit。講到《我》片早前招募飾演她的少女版演員，溫碧霞稱已有定案，但詳情之後才公佈。

另外，胡曦文以黑色Tube dress和男友羅御軒（Joseph）現身，她表示早前入院切除子宮肌瘤，最大的一粒超過10厘米，「其實都有子宮肌瘤幾年，本身由細細粒慢慢變大，但最近先搵到合適醫生做手術。」男友羅御軒則表示當時很擔心她，幸好手術成功又康復得不錯，他們都很感恩，笑謂要多做善事回饋社會。胡曦文又提到她的鐘錶品牌早前進駐中東市場，望日後通關後可到當地視察，稍後也會與世界知名的汽車品牌合作。