患肝臟纖維化的早產嬰兒「信信」，2月1日接受換肝手術後，上月中因橫膈膜升高令肺部出現壓力，一度轉入新生兒深切治療部（NICU）接受治理，今日（21日）須再次接受手術，修補橫隔膜以解決肺部漲氣的問題。

「信信」父母於Facebook專頁「救救小心 – 肝」分享，指今次雖然是微創手術，但媽媽心情仍然忐忑，並指「信信」的心情亦同樣緊張，「寶寶嘅心情都有少少緊張，緊握住媽媽嘅手手」。父母又指，「如果微創手術唔成功嘅話有可能要補開大刀去做，呢個手術做完都唔一定係永久」，「有人做完係可以去返之前個肺嘅機能咁好⋯有人做完都係會再有機會升返個橫膈膜上去都係甩唔到條氣要重做」，而將胃喉落十二指腸都有一定的風險。

今次手術預需一個上午的時間進行，父母表示希望「信信」可順利度過難關，「希望信信係好彩嘅一份子做完手術後就可以過返正常生活」，父母又說「信信會好努力去打好呢場仗」並感謝一直來喜歡信信的人，努力幫他加油集氣。

資料來源：救救小心 - 肝