麥明詩家陣身價唔同晒，由Hermes嘅Kelly bag「升呢」到特別版，矜貴到就算配貨都買唔到。
日前她喺IG出post豪晒靚袋，留言：「A different me」原來已換上了另一個貴價 Kelly bag「道具」私伙包包。
識睇嘅網民梗係睇重點，焦點落喺個貴價袋度，而唔係佢個樣索唔索。
其實4年前佢只係用Hermes入門版，二萬幾蚊嘅皮版Garden bag，圖中嘅Kelly bag經已係進階中。
真係女大十八變，𠵱家麥明詩個樣同以前唔同晒，有網民話她同傳整容嘅謝安琪撞晒樣，驟眼睇以為係索爆Kay。
麥明詩好識得突出個人優點，故唔介意晒身材。
真係有前有後㗎。
麥明詩同「心機女」馮盈盈好對嘴型，喜好相近。
盈盈呢個 Kelly bag雙色拼皮袋只接受VIP訂購，訂購價約20萬港元，好巴閉。
傅嘉莉鍾情同佢英文名一樣嘅Kelly bag，之前喺《姊妹淘》節目大晒鱷魚拼皮Birkin及鴕鳥皮Kelly Ghillies，兩個包包加埋炒價要46萬。
傳蔡思貝搭上有米富金業老闆後，她忽然富貴豪挽價值7萬嘅Lindy 26。
Hermes嘅 Mini Kelly bag都值11萬，拎住喺手好有貴氣。
29歲的「十優港姐」麥明詩（Louisa）喺TVB期間唔算受重用，2019年11月時無癮地淡出娛樂圈，與無綫改簽「一年一騷」嘅綠葉合約，全職做商業顧問，喺台灣逗留咗一段時間。直至淡出TVB後，播出她最後劇作《殺手》，劇中她飾演閻武（黎耀祥飾）視障女兒閻素之，喺祥仔帶領下演喊爆場面感動到觀眾，就連亞洲心動娛樂（AMM）開拍網劇《逐流時代》，該劇監製兼導演戚其義欽點搵她做「女一」，覺得劇中向上爬嘅「心機女」角色非她莫屬，最後由亞洲心動娛樂副總裁林文龍向TVB借將撮成好事。
不過，今次麥明詩重返拍劇變身「亞視一姐」除咗身份唔同晒外，行頭及外貎都有明顯進化。向來鍾情名牌嘅麥明詩連拍劇都要出動私伙名牌袋，之前手挽Hermes嘅 Mini Kelly bag開工，而呢個金扣舵鳥皮來頭不少，炒價要20萬港元，即使係專屬會員肯配貨都未必買得到。直至日前她再喺IG出post再豪晒靚袋，留言：「A different me(與眾不同的我)」原來已換上了另一個 Kelly bag「道具袋」，呢個「特別綠」加埋金扣舵鳥皮組合真係不得了，身價更勁，炒價要28萬，要想擁有，更加難上加難。Louisa喺IG出靚相post後，識睇嘅網民梗係睇重點，焦點落喺個貴價袋度，留言：「個重點係個手袋$1480000，點解十優咁多年都係睇唔到同其他女性嘅分別嘅...」「手袋好搶眼」、「人和袋都靚」、「鴕鳥皮不得了」當然唔少網民大讚她今次重返比以前索咗好多，個樣唔同晒，而且同傳過整容嘅謝安琪(Kay)撞樣，又話佢多咗唔少成熟韻味，騷在骨子裏...
