黃子華自從自編自導自演賀歲片《乜代宗師》後，已闊別銀幕兩年，令不少「子華神」的粉絲都表示好掛念佢。近日他突然驚喜復出，擔任外賣平台廣告代言人，並爆出一連串「揾食」金句，不但趣味十足、押晒韻，亦令大家反思人生及生活！

久久未有在銀幕上現身的黃子華，今次在廣告中穿著卡其色長款外套及恤衫西褲，簡單之餘亦不失有型。不過更有型的，一定要數到今次以「揾食」作題材的一系列金句，包括「你真係好鍾意返工呀？有無時間搵鍾意嘅人？」、「揾到餐餐九大簋，係咪已經捱壞咗副偈？」、「揾到首期，又有幾多時間留喺屋企？」，引起不少人香港人共鳴、道出他們的心聲。他亦在最後以「揾食啫，唔好搵自己笨」作結，之後才帶入廣告主題，廣告中亦帶出哲理，盡見黃子華演出魅力。

「潛水」兩年後復出拍廣告，黃子華表示「人真係要去休息吓㗎！諗吓自己想要乜，陪吓家人，做自己想做嘅嘢，然後再出發，咁樣先至會有力量，目標先至清晰！」又指現在領悟到生活要追求「簡單啲」。