193最近人氣大爆發，媲美姜濤，生活亦起了翻天覆地的變化。
193坦言參加《全民造星》簡直係一次黐晒綫的經歷。
193笑言連屎都食過，已經無乜嘢可以驚。
193讀書時已高大靚仔，加上是運動好手，絕對是校草級人馬。
193是時裝達人，還出了自家品牌。
這是193的「跳Tone人生」，搏盡無悔，也印證了「You never know what you're gonna get!」
我們生於一個ERROR的時代，做自己有錯；講真話有錯；奮力捍衛的價值逐漸逝去……。如斯愁雲慘霧的日子，慶幸有ERROR出現，令大家暫忘煩憂，《ERROR自肥企画》更是笑中有淚，訴說着濃濃的香港情懷。郭嘉駿（193）憑節目得到出Solo歌的機會，親自填詞打造「33 Style」，迷惑一眾MK妹！
「新歌原本以心理學名詞《Déjàvu》（似曾相識）命名，但擔心派台時大家唔識讀，所以改名《睡到三點》，想大家揣摩到底主角因何事睡到三點。以後的歌也想自己填詞，有自己Style，年輕化、口語化、不太正經，因為我參透了香港年輕Rapper的大熱作品，發覺歌詞都是冇內容、冇意思、不能太深，若像黃偉文的歌詞般深奧，根本聽不入耳，因為他們冇內涵囉！講笑咋，其實簡單直白的歌詞最易記。」
「知我咩料啦！」
火火在《全民造星》說過：「我覺得靚仔玩騎呢，有得做喎！」雖然193大方回應︰「我真係騎呢㗎！」說穿了，騎呢的只是193，而不是郭嘉駿，到底又有多少人知佢咩料呢？
