葉翠翠昨晚入電視城做《開心大綜藝》節目，兩個兒子及老公現身支持，她說15個月大嘅細仔未識行要留在家中，大會安排她與近屆港姐黃嘉雯及陳曉華等同坐，笑言面型及體型都大她們一倍，自然心情緊張。說到她已是三子之母，身形保持得不錯，翠翠透露最近減了15磅，不過年齡快踏入四字頭，自嘲冇得揮行埋一邊。至於有三條King的她會否追個女兒?她說好驚、會冇命！因為照顧3個囝囝好辛苦，身體負擔唔嚟，應該唔會再追啦！而且兩公婆唔放心將小朋友交畀其他人照顧，變相喺屋企每日好似打仗咁，她照顧小朋友之餘，又要工作，連去廁所都去唔到。