林德信（Alex）日前接受開電視專訪，大談用三年時間炮製新歌《愛沒有理由》的感受。Alex找來父親林子祥客串演出MV，他坦言：「當初導演及團隊提出搵Daddy的時候，我有少少抗拒，因為都擔心人哋嘅睇法！構思MV男主角要變老，雖然化妝師話可以幫我化老妝，但拍攝時間就要長啲！之後佢哋又話不如嘗試搵演員，搵一個似我老咗嘅樣，但又擔心搵唔到合適嘅人，後來都係覺得搵Daddy客串最合理！」