Jace（右）自言平日講嘢太大聲，又情緒太高漲，而影響到唱歌，故自認需要改善這種「忘我」性格。
Jace認為綠色好代表其極端的面向。
Jace接受Edmond專訪，大談推出首張實體專輯《PROCESSING》的感受。
轉變和唔同面向。談到唱片造型以綠色為主，Jace笑稱：「我係一個後知後覺嘅人，自己鍾意綠色都唔知，公司開會時，佢哋好快就話我係屬於綠色。其實綠色真係好啱我，因為綠色對我嚟講係一個有趣嘅顏色，第一時間會諗到環保、自然，而我又鍾意真實，亦希望畀人感覺係一個有生機嘅人；而螢光綠色畀人感覺好前衛、好難着上身，但我就成日着綠色上身，可能會令人抗拒同有鬼五馬六嘅感覺，所以綠色係代表我咁極端嘅面向。」
