黃庭鋒及劉佩玥被評判團一致拍掌叫好得到7盞綠燈，但兩人表現得非常緊張。
黃庭鋒為咗掌握到，更神似去聲演蝦叔嘅竅門，而煩惱咗一陣子。
庭鋒好勤力咁做晒功課。
兩人出晒飲奶力去演繹。
黃庭鋒首次配音被指有潛質，不過他較喜歡做演員。
Moon七情上面。
祖藍對兩人表現相當滿意。
黃庭鋒及劉佩玥以旁聽生身份參與《好聲好戲》，獲「創意官」王祖藍大讚表演近乎完美。
劉佩玥嗌到阿媽叫唔好咁嘈
當晚最後一組旁聽生黃庭鋒及劉佩玥(Moon)都成亮點，皆因兩人合作聲演懷舊劇《童心》的「蝦叔」和「波仔」（李泳豪飾）發揮到超級表現，被評判團一致拍掌叫好得到7盞綠燈，阿姐語帶堅定答：「我覺得好，庭鋒我聽到你扮老人家把聲唔錯喎！佩玥都好，好可愛。」創意官王祖藍激讚庭鋒表演接近完美。王祖藍好奇問：「你哋個人練咗幾耐？點去練？」劉佩玥說：「我嗌到連阿媽都叫我唔好嘈！問我仲乜要扮小朋友喺度嗌？」庭鋒話兩人各自練完又再約出嚟磨合吓，好讓攝啲對白位會攝得靚啲。王祖藍滿意地盛讚兩人：「呢啲叫咩，一日唔練自己知，兩日唔練老師知，三日唔練觀眾知，你哋咁樣練法經已聽得出近乎完美。」配音員陸惠玲稍嫌Moon有小小女仔聲；鄭麗麗話庭鋒壓到一把咁嘅聲都幾犀利；何璐怡也說：「我好意外，整體超晒班咁。」
