要有好的鄰里關係實在不容易！有港男指，自己平日會在家中露台食煙，近日被樓上一家3口投訴，指其煙味「攻咗上去」並影響幼子。他雖然為此道歉，但鄰居就唔收貨，更表示會用「震樓神器」報復，令他感到不知所措。

有男網民在網上討論區「連登」發文，指自己平日放工回家及飯後，都會在家中露台食煙，而每次都會將煙頭掉落馬桶，不會掉落街。直至最近，有一家3口新居入伙，日前對方落樓㩒樓主的門鐘，指樓主在露台食煙，「啲煙攻咗上去，臭親佢個仔」。

雖然樓主聞言後立即道歉，並稱自己「好聲好氣」地表示以後會「食少啲」，但對方就未有接受，更揚言若樓主再食煙就「日日嘈（住）我瞓覺」，而且會用「震樓器」對付他。樓主事後就詢問一眾網民：「係咪應該同管理處講聲，定唔理佢？」

帖文一出，網民的反應兩極，有人認為樓主因不想屋內有煙味才到露台食煙，卻因此而影響其他住戶，批評樓主的行為自私，「自私，返到屋企都要聞住你啲臭煙，有冇諗過人哋屋企有小朋友」、「你出露台食都係唔想屋入面有煙味，但你喺露台食就會吹晒入人哋屋企入面。你咁理直氣壯，點解唔閂窗開冷氣喺間房入面食？」、「你有你自由食煙，但人哋都有自由唔吸你啲2手煙」。

不過亦有網民同情樓主的經歷，認為食煙是個人自由，而且樓主是在個人住所範圍內食煙，批評樓上的住戶多管閒事，「佢唔鍾意咪閂窗，唔通出面有死氣又要鬧架車？地盤有廢氣又鬧？」、「憑我本事，有露台，可以食煙，點解關樓上事」、「食口煙都唔得，好慘」。

資料來源：「連登」