乘搭公共交通工具理應要有公德心，亦要注意衛生！有網民日前乘搭小巴時，竟發現後座有一隻腳趾公伸前，夾在罅隙之間，引起網民討論。

有網民在社交媒體Facebook群組「日出康城 Lohas Park @ 家在康城 Home」發文，指上周三（26日）乘搭新界專線小巴113號，當時樓主坐在雙人座位、靠通道的那一側，此時眼尾見到有一隻「神秘指（趾）公」從後座伸前，夾在座位與車身的罅隙之間，並放在安全帶扣之上。樓主看見如此景象，便「打卡」上傳至群組，更笑言「運氣話嚟就嚟」。

事件引起網民討論，不少人都覺得很搞笑，紛紛表示「以為靈異相嚟」、「幫佢剪腳甲」、「以為係紅色 Seat belt（安全帶）」，有網民更講笑話建議樓主「用安全帶個銀扣一嘢插落去」。

不過亦有網民質疑樓主「公審」的行為，認為對事情一點幫助都沒有，「其實呢唔鐘意呢啲人行為就應該即時出聲，而唔係影張相出嚟公審…講真影完放上黎引起一堆人鬧爆，之後對呢件事情有無幫助先？有無解決到先？下次咪一樣發生」。但就有其他網民反駁指「當場出聲俾人打點算？俾人打旁邊嗰啲會幫手，定係攞手機出嚟影」、「正義唔係扮出嚟嘅」、「大家咪當笑料一則、輕鬆下」、「搞gag post一則，唔使咁認真」。

資料來源：「日出康城 Lohas Park @ 家在康城 Home」FB