李璨琛（Sam）與時裝設計師老婆梁志莹（Pae）育有寶貝女兒李元元（Lucy），在媽咪為囡囡經營了社交頻道上，可愛的Lucy人氣直迫爸爸。從外地工作回港陪家人的Sam，同囡囡郊遊及到海灘游水後，昨日就拖住Lucy欣賞畫展，精心配襯一身型格休閒打扮，在名畫前來個父女型格合照，十分溫馨。
不過Sam卻被老婆出賣，Pae在Lucy的社交網站貼上父女照，留言：「今（昨）日爸爸同女兒出街，然後姐姐向阿mum暗笑個阿sir，雖然he looks expensive，BUT個花print布袋堅係影響咗佢個total look。」在Pae與工人姐姐的通訊截圖中，踢爆了Sam手拎裝了女兒的尿片與水樽的布袋，破壞了Sam整個造是裝型，但他完全不介意。
今日Pae晒另一張父女舉V字，留言：「原來，呢兩父女走出嚟都係負責搞笑㗎喎 #各自各精彩」，今次Sam冇幫囡囡拎布袋，但其斜肩袋則掛有Lucy的心型太陽鏡。