姜濤小休後首騷現身，他在台上表示今次Chill Club演唱會的主題是「相信自己」，但他較早前正陷入不夠相信自己的漩渦中，慶幸有這個演唱會能讓他小休後跟大家見面，台下Fans即大叫：「姜濤，我哋相信你！」姜濤隨即獻唱《Master Class》，又首度現場演出《孤獨病》，以及在表演首支個人單曲《一號種籽》時上演帽子舞，型爆全場！
受訪時，姜濤交代近況：「我OK呀！冇事！公司放了我一星期假，主力瞓覺，也趁機會打了針，因為稍後要到外地工作呢！（有否副作用？）冇乜喎！我好驚打針，所以好緊張，但為了工作需要及家人著想也要打。」
姜濤又直認「小休復出」心情緊張，故表現未夠好，下次會做得更好，「出場前叫工作人員摸我心口，因為好耐冇開工很緊張。」笑問是否為了方便讓人摸心口才著Deep V？他說：「我想試吓新形象，如果唔好睇下次著返樽領，反正大家成日話MIRROR冇夏天衫！」