OK的童年照曝光，一眾網民大讚靚女。
4天前，OK（左）的好友將二人合照上載到IG，未知是否已經節目「改造」後的新Look呢？
化了淡妝的OK（左）疑已矯正牙齒，睇落索咗好多。
2號Kathy順利晉身12強。
1號劉芷橋被安排到候補區。
暫未能晉級的劉芷橋甫落台狂喊。
3號AB順利晉身12強。
Miko獲網民封為「女版KLAU」。
5號Georgia被安排到候補區。
8號Shweta順利晉身12強。
OK於節目中「有嗰句講嗰句」，其真性情深得網民歡心，大讚她好笑又得意。
戴眼鏡現身初選的OK，解釋以為面試好Hea，加上自己都「有少少懶」。
OK笑言「搞錯少少嘢」，本來以為只是扮靚做Facial的節目，未料原來是選美比賽。
28歲的Miko是全職媽媽。
OK被指跟「專家Dickson」撞樣。
正版KLAU。
《造美人》參賽者OK人氣急升，其疑似新造型曝光！
Previous Next
ViuTV另類選美真人騷《造美人》早前公開16強資料，旋即掀起網上熱話，事關有別一般選美比賽，未經「雕琢」的參賽者們需參與3個月的飲食調校及身體塑形課程，甚至進行醫學美容級的整形療程，令一眾網民都大讚參賽者好有勇氣！節目終於在昨晚首播，第一集共7位參賽者率先登場，當中5人順利晉身12強，包括2號張育玲（Kathy）、3號劉兆汶（AB）、4號歐陽玉婷（Miko）、6號胡靄琪（OK）及8號林珊妮（Shweta），剩下的1號劉芷橋和5號冼潁琹（Georgia）則被安排到候補區。

報稱26歲、任職建造工程及管理業的OK，雖然外貌被嘲同「專家Dickson」撞樣，但《造美人》播出後，憑着其「有嗰句講嗰句」的真性情，為節目帶來唔少歡樂之餘，仲令她贏得唔少觀眾歡心。在地盤工作的OK甫上台表示，經常「風吹雨打，日曬雨淋」搞到滿面雀斑，故希望透過節目「執靚個人」，被主持人強尼問到返工係咩Look？她坦言打扮嘥時間，「戴副眼鏡、搽防曬就得㗎喇，因為我每日都着住件死人公司制服，我換件衫同褲子就上去，咁鬼遠，我淨係來回着畀大家睇呀？又出汗，搞到塊面出晒油，咁我為乜啫？」語畢引發全場大笑，OK續笑道：「唔好意思，我已經辭咗職㗎喇。」