張敬軒不時在社交網分享他與外傭姐姐（遮遮）的生活趣事，他昨晚就上載最新片段，原來遮遮趁軒仔不在家時投入高歌，他更忍唔住偷偷錄低對方歌聲！軒仔留言：「阿遮今晚演唱會，玩咗個幾鐘。#佢應該未知我返咗嚟🤣」遮遮歌聲唔錯，難怪軒仔聽咗咁耐，事後更走去問遮遮玩緊咩，原來對方「試緊個卡拉OK App」，令他不禁配上笑喊Emoji。