樓主指父母的月入共約3萬元，仍堅持用1.9萬元月租3房私樓單位。資料圖片（示意圖）
該名港男在網上討論區「連登」上，以「有冇人屋企冇私樓又冇公屋 逼住長租 唔知點算」為題發文，指父親現年58歲，「日頭送貨、夜晚保安」，母親40歲尾，「一星期返6日便利店」，二人月入共約3萬元，但支出多於收入，再加上父親早前將賣樓所得全部用來還債，儲蓄已所剩無幾。
樓主續指，由於父母仍然「年輕」，收入亦超過申請公屋的入息限額，而自己畢業後準備投身社會，根本無可能申請公屋，一家被迫長期租樓住，不禁大呻「租金好貴，屋企搵幾多就拎晒幾多嚟應付租金同日常生活，好辛苦！」
最讓樓主接受不了的是，父母每月堅持以1.9萬元租金，租住一個3房私樓單位，亦不肯「住平啲」。樓主怒指，全家只有3個人的話，租住兩房單位已足夠，又透露「家姐搬出去同男朋友住，我下年住hall（大學宿舍）」，「但都係老人家問題，唔肯丟嘢，明明有啲衫鞋年幾兩年都冇著過，塞爆晒間房。呢間屋住咗幾年，個廳仲有啲未拆嘅紙箱。」
樓主狠批父母「冇咁大個頭仲戴咁大頂帽」，指責母親「貪慕虛榮要住私樓」，又表示希望畢業後可以搬走，但又無法放下父母，因而感到相當矛盾，「自己畢業後搬出嚟同人夾租嘅話，就變成兩老冇錢交租。即係侷住我要同佢哋租屋租到死」。
帖文引來大批網民留言，不少人都同情樓主的經歷，認為其父母不自量力，「住村屋把啦，同佢哋得閒禮拜六日住staycation都唔使19k咁貴」、「冇錢又要住咁好，自己攞嚟，Grad（畢業）咗就搬出去住，到時佢哋覺得冇必要就租返2房㗎啦」、「我就grad，同你一樣處境，不過再慘啲，老豆以前係公屋換居屋再換私樓，所以而家就算佢60歲都上唔返公屋，侷住租成世樓，我又冇兄弟姊妹，搵得嗰10幾k人工，都唔知點算」。
資料來源：「連登」
