MIRROR決定向粉絲講清楚。
大量「私追」鏡粉影響拍攝。
MIRROR被困在酒吧內。
MIRROR成員在安全島一字排開，向粉絲表明立場。
Lokman率先開口。
AK也一同勸粉絲。
「私追」粉絲問題最嚴重的姜濤也出聲。
MIRROR向粉絲鞠躬。
事後姜濤、Tiger及祖祖談起此事。
姜濤表示好難忘，希望MIRROR可一直團結落去。
Tiger指問題應該一早要解決。
祖祖聽到姜濤被「私追」騷擾的遭遇，例如被摷垃圾不禁皺眉頭。
經理人花姐笑言姜濤做甚麼都有人喜愛：「唔使好用力幫佢Plan，唔使執著佢條頭髮好唔好睇，唱歌好唔好聽，一行出嚟就有人鐘意。」即使係萬人迷，姜濤對自己都幾有要求：「我做音樂想以自己諗法為主，就算花姐有啲位唔認同，我都會堅持去做。寧願大家覺得唔好，我先再改。我唔太擅長Social，知道一出街就俾人認到係好多Artiste追求嘅事，但我初心只係想表演畀大家睇。」花姐又指姜濤對自己要求好高，而且好自我，雖然他眼光獨到，不過「唔代表係啱」。
梁祖堯（祖祖）透露拍攝第二日，MIRROR被困在酒吧無法出外：「就算有幾鐘意篤波都篤咗4個鐘，開始眼瞓同悶。當知道好多戶外Item因為Fans出現阻礙拍攝，好多設計咗嘅嘢做唔到，甚至預視到呢個假期要喺酒吧度避。」成員商量後一致通過，亦得到節目組批准，決定出去向Fans表達事件嚴重性，直接勸喻離開。最後由隊長Lokman（楊樂文）和「梅窩隊長」姜濤代表發言。祖祖也一直與花姐視像通話交代情況。
