鄭中基(Ronald)為《第五屆香港兒童國際電影節》擔任電影節大使，他說自己鍾意睇卡通片及漫畫，對拍戲有幫助，由於他正拍攝賀歲片《闔家辣》，所以要太太帶仔女去睇戲。Ronald笑言暑假安排活動給小朋友好難，近年已安排好多。「大女7月生日想玩過山車，要捉我陪玩，好彩我仲夠膽玩，遲幾年要細佬陪佢玩。」提到可以揾男朋友陪她玩?他笑稱冇咁快，「如果有男朋友等我同佢玩吓先。」女兒對他說沒有男朋友，兒子則說有6個女朋友，意指可能得6個朋友。