37歲鍾嘉欣喺2015年底秘嫁加拿大脊醫Jeremy，婚後育有一對仔女，兩公婆喺加拿大過住甜蜜幸福生活。之前嘉欣回港拍TVB劇《兒科醫生》，拍攝工作後，火速返回加拿大陪伴老公和一對子女。今日她喺IG貼出父親節latepost嚟讚揚老公，她貼咗老公和子女合照，子女更畫咗心意卡送畀爸爸，十分溫馨。另外，鍾嘉欣亦貼出老公同仔女唔同階段嘅生活點滴，包括老公抱住初生囝囝以及餵囝囝食糊仔相段、同埋他陪囡囡瞓覺嘅溫馨相。

鍾嘉欣仲用英文讚揚老公：「謝謝...因為你係一個好父親，為咗深愛頭家咁辛苦工作，咁專注生活中嘅重要事情。謝謝...你成為我最好嘅伴侶，無論如何都會支持我。」真係聽到都覺得好Sweet呀！