有港男指昨日曾下大雨，有女同事一回到公司便馬上換鞋，怎料濕透的鞋子竟傳來陣陣「鹹魚味」。unsplash/資料圖片（示意圖）
該名港男在網上討論區「連登」發文，指昨日早上曾經下大雨，坐在其對面一名約25歲的女同事回到公司後，立即換掉被雨水沾濕的鞋子，但她未有即時將濕鞋子擦乾或晾乾，只放在枱底。怎料該對鞋子後來開始散發陣陣「鹹魚味」，異味甚至瀰漫整個辦公室，令樓主難受至極，更要「成朝用個口呼吸」。
樓主不禁表示：「就快連嘢都做唔到，我真係好想知佢（女同事）究竟自己聞唔聞到？」，又直言害怕會被其他同事誤會異味是由他發出。他透露，曾趁該名女同事去廁所時到對面「索吓」，發現越靠近其枱底，鞋子異味就越濃烈，故更確定異味是來自對方。
樓主認為，其他同事實際上也聞到異味，但可能不知道來源，又或不想該名女同事感到難受尷尬，故未有開口提醒。他又指，自己有自備午餐上班，但坦言在該個環境下實在無晒胃口，「我覺得我以後食鹹魚肉餅飯，都會諗起佢隻腳、諗起佢隻鞋」。最終他亦選擇外出吃午飯，被同事問到「今日唔係帶咗飯咩？」時，他回答「個飯今日唔想食」，對方竟「陰陰嘴笑」，懷疑對方「知咩事」。
帖文引起網民熱議，不少人都笑言樓主「有鹹魚味送飯」，「食飯嗰陣扮晒嘢大聲問：『咦！今日邊個食鹹魚啊？條鹹魚好重口味，今朝返工就有陣味喇，一定好好味啦？』」、「如果係肉餅飯，可以就咁喺個位食」、「拎碗白飯送飯」。不過亦有網民認為，若異味真的有影響他人，應該主動並婉轉地提醒對方，「點解唔直接講，有啲嘢影響到人就要出聲㗎啦」
資料來源：「連登」
