40歲的楊洛婷（Rabeea）跟樂隊Dear Jane主音黃天翱（Tim）相愛15周年，育有4歲多囡囡黃子霏(Tanya)，兩公婆見女兒唔使咁黐身決定生多個，第二胎嘅預產期係今個月底。面臨快將「卸貨」，Rabeea個肚勁大，上圍因為谷奶而勁升Cup，形成一條「深不可測」嘅事業線，目測升咗兩cup變到脹卜卜，對Tim嚟講係意外驚喜！

懷胎9個月嘅Rabeea係產前拍咗幾輯寫真孕照嚟留念，新一輯喺室內影樓取景。Rabeea穿著白色低胸禮服裙、露出巨型孕肚及深坑事業線，散發純白仙氣。她雙手托住巨肚，露出女人幸福嘅笑容寫道：「你在這張照片中看到的一切都是我！！我喜歡這幅肖像的一切！幸福在路上，我已經急不及待地想見見他……或者她！」