旨呈今日開心報喜，終於成功考獲巴士司機牌。
pass後的旨呈，即與成績單合照。
連成績單都公開埋。
拍完《學神出沒注意》後，旨呈有繼續嘗試考巴士司機牌，但唔成功。
《學神》中，旨呈與同樣有18年揸車經驗的Sarika學揸巴士。
新劇有機會跟著名監製戚其義合作，令旨呈勁興奮。
旨呈最近忙於拍攝亞視新劇《逐流時代》。
Previous Next
旨呈參加完《全民造星III》後演出機會不少，接住就參與《學神出沒注意》，本身已有18年揸車經驗的他，節目中仲有機會跟蔡宛珊（Sarika）學揸巴士，雖然節目中兩人都未能順利一次過pass，但旨呈一直有堅持繼續學，雖然中間都再次「肥佬」，但他屢敗屢戰，最終今日宣佈考獲巴士司機牌，可以正式做「巴士車長」啦！


旨呈除了在社交平台貼出自己成績表外，仲留言話：「我合格啦！我終於成為一個巴士車長，多謝#學神出沒注意 ⚠️」又話「我好緊張呀，又好大雨！⋯⋯考牌官完全唔望我！我而家真係好開心呀但係！我冇令大家失望❤️呀，最後多謝 @viutv電視台多咗個巴士司機 🥴！」