湯怡跟老公麥秋成在父親節前上周五（18日），宣佈首胎B女「QQMak」提早出世，雖然前世情人搶住同爸爸慶祝，但帶給他們兩夫妻有喜冇驚。呢日湯怡仲為QQMak安排咗新牀仔，她post了BB熟睡在牀仔新相，而全張BB牀以米色簡約為主，牀上掛着可愛公仔吊飾，又有薄紗蚊帳圍住，BB牀放在窗邊位置，望出去一遍綠油油，BB房似乎相當好環境。而麥秋成更公開發表愛的宣言，放了跟老婆湯怡合照上ig，並冧爆以林子祥名曲《分分鐘需要你》歌詞留言話：「有了你開心Ｄ，乜都稱心滿意，鹹魚白菜也好好味，我與你永共聚，分分鐘需要你，你們似是陽光空氣。」當中「你們似是陽光空氣」，擺明指妻女湯怡同QQMak，而最後hashtag「#8thday」，提大家囡囡出世第8日。